სიახლეები
დაიწყო საქართველოს უნივერსიტეტის მასწავლებლის მომზადების ერთწლიან პროგრამაზე საბუთების მიღება.
პროგრამაზე დაშვების წინაპირობაა ინგლისური ენის ფლობა B 1/2დონეზე. ენის ფლობის დამადასტურებელ დოკუმენტს შეიძლება წარმოადგენდეს დიპლომის დანართი, რომელშიც მითითებულია უნივერსიტეტში გავლილი ინგლისური ენა ან ,ასეთის არარსებობის შემთხვევაში, საუნივერსიტეტო გამოცდა ენის ცოდნის დასადასტურებლად.
მიმართულებები: ქართული ენა და ლიტერატურა, ინგლისური ენა და ლიტერატურა, ისტორია, ფიზიკა, მათემატიკა, საინფორმაციო და საკომუნიკაციო ტექნოლოგიები.
მსურველებმა უნდა წარმოადგინონ შემდეგი დოკუმენტები:
• პირადობის დამადასტურებელი დოკუმენტის ასლი (ელ-ვერსია დისკზე ჩაწერილი);
• ბაკალავრის დიპლომი (დედანი) ან ნოტარიალურად დამოწმებული ასლი(ელ-ვერსია დისკზე ჩაწერილი);
• 1 ფოტოსურათი (3x4) და ელ-ვერსია დისკზე ჩაწერილი.
• შეავსონ სააპლიკაციო ფორმა;
• დაფინანსებული აპლიკანტების გამოვლენა მოხდება შიდა საუნივერსიტეტო გამოცდის/ტესტირების შედეგების საფუძველზე.
საბუთების მიღება წარმოებს მისამართზე; კოსტავას 77, საქართველოს უნივერსიტეტის IV კორპუსი, V სართული 503 ოთახი, 2016 წლის 28 სექტემბრიდან 10 ოქტომბრის ჩათვლით, შიდა საუნივერსიტეტო გამოცდა/ტესტირება ჩატარდება 11 ოქტომბერს 19:00 საათზე 407 აუდიტორია. სწავლა დაიწყება 17 ოქტომბერს.
27 ადგილი დაფინანსდება სახელმწიფოს მიერ.
